21 лютага 2023 года - Міжнародны Дзень роднай мовы
У ДУА "Каменналаўская сярэдняя школа Шклоўскага раёна" гэты дзень пачаўся з акцыі-віншавання "Са святам роднай мовы!" (вучні, настаўнікі і іншыя работнікі школы атрымалі ў падарунак святочны календар, а таксама цукеркі за правільны пераклад слоў на беларускую мову). Затым вучні 5-8 класаў прынялі ўдзел у гульні-пошуку "Пагуляем у роднае слова". Удзельнікі выконвалі розныя заданні: адгадвалі загадкі, тлумачылі значэнні слоў, фразеалагізмаў, расшыфроўвалі выслоўі і г.д.
Для вучняў 3-4 класаў была арганізавана віктарына "Знаўцы роднай мовы".
Таксама з вялікім задавальненнем вучні ўдзельнічалі ў наступных мерапрыемствах:
1. "Чытаем вершы беларускіх паэтаў".
2. "Спяваем разам" (караоке па-беларуску).
3. "Дынамічны перапынак па-беларуску!".
СЁННЯ, СВЯТА ЎДАЛОСЯ!